二零二零年十一月七日（星期六）
早起的鳥兒有蟲吃；早起的小朋友去迪士尼無乜人。
今朝逸逸未夠7點就起左身，所以少有的順利在10點半剛開門就來到迪士尼樂園。
今年慶祝迪士尼15週年，慶祝活動將於11月21日展開，今次我們發現迎樂路已經換上15周年主題旗幟了。
聖誕樹亦已經隆重登場了
一大朝早就見到唐老鴨和黛詩在美國小鎮大街迎賓
色彩繽紛的氣球
難得可以影城堡的時候周圍竟然無人，我想講今日其實是fully booked的。
逸逸話要玩小小世界，但難得一大朝早迪士尼無乜人，點可以浪費左個morning dash?
首先去玩完全唔駛排隊的轉轉馬
再過去完全唔駛排隊的小飛象
本來諗住下一站去小小世界，竟然發現久違了快要開演但還未滿座的迪士尼魔法書房的演出，當然不能錯過。
雖然已經睇過好多次，都係覺得好精彩，今次逸逸仲突然之間對依個表演充滿感動添。
下一站係小小世界
然後再到彈弓狗，基本上全部都唔駛點排隊。
自細逸逸對依個沖天遙控車好有興趣，最近仲話覺得好似恆仔的四驅車，不過唔好講佢夠唔夠膽玩，根本就未夠高玩，所以我地今次扮住玩先。
早兩次來樂園的餐廳都大排長龍，今日竟然有位，本來計劃回家吃午飯的我們決定在大冒險家餐廳吃午餐，反正11月份光顧餐廳有75折優惠，也很化算。
今次我終於試了人蔘燉雞湯套餐，不過還是上次的印式牛油雞套餐比較好吃。
吃完午飯出來，發現樂園突然之間變得超級多人，我們只願排隊去玩相對不用排很久的轉轉杯。
逸逸見到依個影相用的轉轉杯，逸逸話我地扮唔敢玩轉轉杯呀！因為剛才在沖天遙控車的話有d人唔敢玩都可以影相扮玩。
實在太多人了，我們前往最後一站，第二次遊小小世界。
今次攝影主題係橙橙熊遊世界
剛才在大冒險家餐廳看到了泰姬陵的相片，看到小小世界版當然要指俾逸逸睇，經過今日，她認識了泰姬陵這個地方，玩小小世界都可以好有教育意義。
臨走之前我地去一趟會員中心，因為我們在購買年票首三個月入園五次，達標領取Magic Milestone Reward Program的禮物，靚靚。